Таныг “Ди Би Эм ассет менежмент” ХХК-ийн “Эрсдэлийн шинжээч”-ийн ажлын байранд урьж байна. Манай компани хөрөнгө оруулагчдад оновчтой хөрөнгийн удирдлагыг санал болгох замаар Монгол Улсын эдийн засгийн өрсөлдөх чадварыг нэмэгдүүлэх, томоохон төслүүдийг санхүүжүүлэх зорилго бүхий төрөлжсөн сангуудыг үүсгэн байгуулах, удирдах чиг үүрэг бүхий хөрөнгө оруулалтын менежментийн компани юм

Ажлын байрны үндсэн чиг үүрэг: Хөрөнгө оруулалт менежментийн компани болон түүний удирдах сангуудад учирсан болон учирч болзошгүй эрсдэлийг тодорхойлох, үнэлэх, эрсдэлээс урьдчилан сэргийлэх талаар санал, зөвлөмж гаргах, удирдлагын шийдвэр гаргах процесст шаардлагатай мэдээ, мэдээлэл, судалгаа шинжилгээгээр хангаж ажиллах.

Ажлын байранд тавигдах шаардлага

• Банк санхүү, эдийн засаг, эрсдэлийн удирдлага, хөрөнгө оруулалтын удирдлага, статистикийн чиглэлээр бакалавр болон түүнээс дээш зэрэгтэй;
• Банк санхүү, хөрөнгө оруулалтын байгууллагад эрсдэлийн шинжээч, санхүүгийн шинжээч болон бусад холбогдох чиглэлээр 2-оос доошгүй жил ажиллаж байсан туршлагатай;
• ҮЦЗЗ-ийн тухай хуулийн 69.2-д заасан мэргэжлийн холбооноос үнэт цаасны зах зээл дээр хөрөнгө оруулалтын чиглэлээр ажиллах эрх авсан байх;
• Мэдээлэл цуглуулах, боловсруулах, дүн шинжилгээ хийх, учир шалтгааныг тодорхойлох, дата анализ хийх чадвартай байх;
• Англи хэлний бичгийн болон ярианы ахисан түвшний мэдлэгтэй байх;
• Баримт бичиг боловсруулах чадварыг эзэмшсэн;
• Microsoft office-ийн программууд дээр ажиллах чадвартай;
• Идэвхи санаачилгатай, бүтээлч, хариуцлагатай;
• Харилцааны өндөр ур чадвартай;
• Багаар ажиллах чадвартай;

Бүрдүүлэх материал:

• Төрийн албан хаагчийн анкет болон CV
• Боловсролын диплом, сертификат, мэргэжлийн үнэмлэх
• Иргэний үнэмлэх
• Тухайн зарлагдсан ажлын байранд орохыг хүссэн өргөдөл
• Тодорхойлох захидал /хамгийн багадаа өмнөх нэг байгууллага байх/

Сонгон шалгаруулалтын материал хүлээн авах хугацаа:

Нээлттэй сонгон шалгаруулалтад оролцохыг хүссэн ажил горилогч Та холбогдох бичиг баримтаа цахимаар болон “Ди Би Эм ассет менежмент” ХХК-ийн байранд өөрийн биеэр авчирч өгөх боломжтой.

Анкет, материалыг 2026 оны 04 дүгээр сарын 03-ны өдрийн 18:00 цаг хүртэл цахим болон цаасаар хүлээн авах ба эхний шалгаруулалтад тэнцсэн өргөдөл гаргагчтай холбоо барина. Бичиг баримт архивт хадгалагдах тул буцаан олгохгүй.

Холбоо барих:

Утас: 77117977

Имэйл: /info@dbmamc.mn/

Хаяг: Монгол Улс, Улаанбаатар хот, Сүхбаатар дүүрэг, 1-р хороо, Бага тойруу-14200, Эко Интернэйшнл Тауэр, 23 давхар, 2305 тоот.