ХӨНДЛӨНГИЙН АУДИТЫН ҮЙЛЧИЛГЭЭ ҮЗҮҮЛЭХ ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

              “Ди Би Эм ассет менежмент ҮЦК” ХХК нь 2022 оны санхүүгийн тайланд хараат бус, хөндлөнгийн аудит хийлгэх зорилгоор аудитын байгууллагыг сонгон шалгаруулж, аудитын үйлчилгээ үзүүлэх гэрээ байгуулахаар төлөвлөж байгаа тул зөвлөх үйлчилгээ үзүүлэх хүсэлтэй эрх бүхий саналаа ирүүлэхийг урьж байна.

          Энэхүү аудитын үйлчилгээ үзүүлэх гэрээний хүрээнд “Ди Би Эм ассет менежмент ҮЦК” ХХК-ийн 2022 оны жилийн эцсийн санхүүгийн тайланд хараат бус, хөндлөнгийн аудит хийж, холбогдох дүгнэлтийг гаргана.

          Мэдүүлгээ ирүүлж буй байгууллага нь тус аудитын үйлчилгээг гүйцэтгэх чадвартайг нотлох дараах мэдээллийг ирүүлнэ:

1. Сонирхолоо илэрхийлсэн албан бичиг  
2. Компанийн  улсын бүртгэлийн гэрчилгээний хуулбар;
3. Аудитын үйл ажиллагаа эрхлэх тусгай зөвшөөрлийн хуулбар;
4. Санхүүгийн зохицуулах хороонд бүртгэлтэй тухай нотлох баримт;
5. Шүүхийн шийдвэрээр бусдад төлбөртэй эсэх тодорхойлолт:
6. Шүүхийн төрөлжсөн архивын тодорхойлолт;
7. Монгол улсын хуулийн дагуу татварын өргүй байх
8. Аудитын багийн бүрэлдэхүүний талаарх дэлгэрэнгүй мэдээлэл. Үүнд гишүүдийн  боловсрол, мэргэжлийн ур чадварын зэрэг, мэргэшлийн гэрчилгээ, сүүлийн 3 жилийн хугацаанд хуримтлуулсан ажлын туршлагыг нотлох баримт;

Уг шалгаруулалтад оролцох сонирхолтой байгууллага нь мэдүүлгээ тус компанийн info@dbmamc.mn цахим шуудангаар эсхүл бичгээр компанийн Монгол Улс, Улаанбаатар хот 14210, Сүхбаатар дүүрэг, 1 дүгээр хороо, Энхтайвны өргөн чөлөө-19, 12 давхрын 1214 тоот өрөөнд 2023 оны 02 дугаар сарын 15-ны өдрийн дотор ирүүлнэ үү.

Бид оролцох сонирхлоо илэрхийлсэн аудитын байгууллагуудад тус компанийн холбогдох мэдээлэл болон ажлын даалгаврыг хүргүүлж, аудитын үйлчилгээ үзүүлэх үнийн санал авснаар Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 7.3-т "Захиалагч энэ хуулийн 8.1.2-т заасан босго үнээс бага төсөвт өртөгтэй бараа, ажил, үйлчилгээг энэ хуулийн 7.1 дэх хэсэгт заасан журмыг мөрдөхгүйгээр шууд худалдан авч болно" гэж заасны дагуу худалдан авалт хийж зөвлөх үйлчилгээний гүйцэтгэгчийг сонгон гэрээ байгуулах болно.

“Ди Би Эм ассет менежмент  ҮЦК” ХХК

Веб сайт: http://www.dbmamc.mn/

Утас : 77117977